اهلا وسهلا بالزائر الكريم / الزائرة الكريمة
ندعوكم للإنضمام معنا الى اسرة منتديات آهالي المجر الكبير الثقافية
ساهم معنا في هذا المشروع الثقافي الاجتماعي التراثي الفريد من نوعه



 
الرئيسيةالبوابةاليوميةبحـثالأعضاءالمجموعاتالتسجيلدخول

شاطر | 
 

 زنجيل ياسماء شعراء الشطرة / الشاعر ميثم الخطاط

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي كاظم درجال الربيعي

avatar

عدد المساهمات : 1092
تاريخ التسجيل : 07/10/2011
العمر : 67

مُساهمةموضوع: زنجيل ياسماء شعراء الشطرة / الشاعر ميثم الخطاط   الجمعة أبريل 20, 2012 1:52 pm

زنجيل باسماء شعراء الشطرة / الشاعر ميثم الخطاط
-----------------------------
يكلبي الهايم بشوكك.براهيم
وكلما همّت اجدامه.براهيم
شيخ الشعر بالشطره .براهيم
طلب والفكر عده فكر .جبار
تعنه الكل كسر بالشعر .جبار
ابوعباس اي والنعم .جبار
الهلالي صار خيمة شعر .واعماد
ويطب بحر القوافي عين .واعماد
ابعماد ارتفع ساس الشعر .واعماد
العكيلي العلينه اشكثر .منعم
واسع بحر شعره وغرك .من عام
ابن سيد مسافر ذاك .منعم
نعيم الاسم عده استجن .واركن
بسده لوعيوني يعمن .واركن
ابواحمد سورنه بالضنك .واركان
انتكل عل ماعله رسله .خفه ايه
وعليه بالشعر ماتخفه .خفايه
بعلي كل الفخر الهه .خفايه
علي الزارع ادروب الشعر .ياسين
مرمر واليلوجه جذب .ياسين
زودك زود ربعك يبن .ياسين
عبارات بعلاء اهتفن .واجمال
ابحكه نكول اجمل شعر .واجمال
جمال الازبجي للشعر .واجمال
بترف خله الشعر كل وكت .بس عود
يصيح اعله المشه بكل صوت .بس عود
الشعر بسم الخفاجي ندب .بسعود
يكله لاتجافي الشعر ..واحسان
اله وكون بقوافي البيض .واحسان
ابن حجي غني جالنجم .واحسان
احلى من العسل بالشعر .واحسين
واشعر من يمره الضيم.واحسين
قطب رحة شعرنه حسين.وحسين
ابن صالح بحرب الشعر .كرار
ابوحده مايرد عالخصم .كرار
العبودي وثلث تنعام .كرار
البيه سور القوافي ارتفع .ماهر
فحل وبحرب سوح الشعر .ماهر
ندبنه يوم طحنه بضيج .ماهر
الجاسم من وكتنه اشكثر .عدنه ان
نبدله بضحج حان الحين .عدنه ان
الزيدي بالاوزان استاذ .عدنان
المايوم بحياته نذل .صادق
عذب حجيه بكلامه دوم.صادق
اخولفته اليطيب الجرح.صادق
اخو كوشه لعند الشعر .حسّن
القوافي رافكنه وبيه .حسن
الغيره عد حسن لوكلت .حسن
البدري اللي الوجه الشعر .جمّال
ويظل سايك النوك الادب.جمال
في انلوذ بيه استاذ.جمال
الصفار ونكل للدهر .تحسين
عله اللي بيه معنى الشعر.تحسين
شعرنه من تذكره كول.تحسين
الزيدي الغيظ ربعه دوم.كاظم
ويمر بيت القصيد اعليه .كالظيم
ابو امجد بس تضيج وصحت .كاظم
الزيدي الكل قضية شعر .حكّم
وقفل باب الاوزان بقفل.حكم
سيد غالبي المعروف.حكم
وجداني وغزل بالشعر .ناظم
سبع والمردم الروجات ناظم
فخرنه ببن عبد حمود .ناظم
وكف للعوز متحدي .وبأشراف
الجميع وعزم متقلد .وباشراف
ابو اشرف غني تعريفه .وابو اشرف
يكول بكل كلب مطبوع .رسمي
ونكله ثبت ودك صار .رسمي
بكل موال ذكرك يبن .رسمي
امّير بالراي معروف .حازم
ولعد ظهر الشعر بالشعر .حازم
بالعبادي شعرنه شمخ.حازم
يمين اعليه باسم الشعر. قاسم
يظل بالوزن ظهر الخصم. قاسم
يصول اعله القوافي وشعر .ياسر
لمع واللي يضمه بعد .ياسر
الطائي لونخيته وكلت .ياسر
يهد بسيف شعره موش.منخي
اخو لوماندبته بعد.منخي
بعد سيد يرد للفحل .منخي
نور البيه شاد الشعر .واحمد
ومايه ايريع الكل صبخ .واحمد
نشامه اثنين عدنه احمود.واحمد
ابدور وبيهم الهامات .علوان
احنان وصبروا كل يون علوان
تلاهم بالفخر بن حسن.علوان
علي وبيهم غزينه الشعر.غزوان
جبل واليغز بينه السيف.غزوان
عدنه اعدال جيش الحيد.غزوان
الزيدي البكلافه هديب.ضرغام
يضحك دوم بيه ماوكت.ضرغام
بحر يتلاطم الروجات.ضرغام
الركابي واليطي يجهل .شلاكه
العدوه ايصير جالحنظل .شلاكه
شنشطهه هوسة محمد.شلاكه
الزيدي السحل راس الشعر .فلاح
ويظل لرض الوفه والطيب .فلاح
دوه المرض الشعر دكتور.فلاح
يطيبه لوغده مرمي .يعالي
جسور اشماهبط وكته .يعالي
الضحك خادم للعبادي .يعالي
بس كل للضحك يدنه .سيدنه
علينه وكون مايعبر .سيدنه
مايرضاش بالباطل.سيدنه
حسين الغالبي بالعدل جاسم
ولاساوم بدينه بيوم .جاسم
اللذه بالجعب يالؤي .جاسم
يالعبودي بوجودك خضر .ربعاي
بثلث ترباع شعرك كمل.ربعاي
وانه اتراب اصير السحك .ربعاي
اتراب اجدام ربعي اوسام اليه
-------------------------
من دارميات جمال الازبجي
--------------------
لو بالحسد بلواك يشفيها نوحـــــــي
بس المصيبه عليك توجعني روحي
.............................
بشرني حي لـــو مات شخبار الفراك
كل لحظه الك اشتاك هم مثلي تشتاك
............................
احركني اصير ارماد ونثرني بالريح
التم واردن نــــــار بس اسمع تصيح
----------------------
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علي كاظم درجال الربيعي

avatar

عدد المساهمات : 1092
تاريخ التسجيل : 07/10/2011
العمر : 67

مُساهمةموضوع: قصيدة للشاعر علاء الياسين   الجمعة أبريل 20, 2012 2:11 pm

قصيده الشاعر علاء آل ياسين / الشطرة
------------------------

اذا مو بيك اسولف انه ماموجود
لان بس بيك اسولف كل وكت انه
تدري انته بمكانك وين بيه يصير
بس شويه وخر تطلع هنانه
مو بس انه احبك انه وانه هواي
وبعد من عندي عشره نحبك ويانه
ادري انته بشر بس هلخضار منين
ابو البستان شافك حرك بستانه
الورد من شاف طولك بس عليه مريت
ما يقبل بعد يكعد بسندانه
ادري شلون رايك يعني كلنه نموت
كول نموت كلنه منين دفانه
الحال وداعتك سكرت ناس هواي
بس انته الوحيد السكر الحاله
بتهوفن امس لو سامعك ما صار
يم صوتك امس جاكعدت الحانه
يلوموني من اشوفك اسكت من الخوف
عمي الشاف طولك ظيع لسانه
ربك بلخلق سواك بس سواك
وانه وذوله مدري شلون سوانه
لاتنطينه عين يجوز نطمع بيك
بس انطينه جارك نشتم ردانه
بس اوكف دقايق رحمه للعباس
بس تمر عليك تطيب مرضانه
ماحبن هلك منهم اخاف عليك
نحب يوسف نعم بس نكره اخوانه
انه لدوم احبك ومستحيل انساك
وذا انساك صدك هذا مو انه
--------------------
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
زنجيل ياسماء شعراء الشطرة / الشاعر ميثم الخطاط
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الادب العربي :: منتدى الشعر الشعبي-
انتقل الى: