اهلا وسهلا بالزائر الكريم / الزائرة الكريمة
ندعوكم للإنضمام معنا الى اسرة منتديات آهالي المجر الكبير الثقافية
ساهم معنا في هذا المشروع الثقافي الاجتماعي التراثي الفريد من نوعه



 
الرئيسيةالبوابةاليوميةبحـثالأعضاءالمجموعاتالتسجيلدخول

شاطر | 
 

 سطوح أهلنه / حامد كعيد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي كاظم درجال الربيعي

avatar

عدد المساهمات : 1092
تاريخ التسجيل : 07/10/2011
العمر : 67

مُساهمةموضوع: سطوح أهلنه / حامد كعيد   الثلاثاء أبريل 17, 2012 6:01 pm

حامد كعيد
مهداة للشاعرة المثابرة الأخت وفاء عبد الرزاق
----------------------------------------
زغار
نصعد أنرش السطح
إسطوح فقره
أترابه بيه ريحة أهلنه
أمن العصر أفرش سريري
بين أمي وبين أبوي
وينزل أبحضني الكمر
يسمع أسواليف أمي
سهر مره ...
يريد يتعلل ويانه
يستمع مُر السوالف ...
نام بفراشي وبجه
ومن دمعته
بللت ثوبي العتيك
تجوي دمعات الونين
بللت كل السواجي
وفاضت الدنيه حزن
وأمي ...
أمي تحفظها النواعي
أزغيره من غابت أخيتي ...
إسنين مرت
ودمع أمي ما خلص
أبجي وياهه البجيها
إزغار ما نعرف الموت
نحسب الدنيه هلاهل
ونرسم الباجر شمس
خذت من أمي طبعها
وبالفرح أشبع بجي
يمه كالتلي وليدي ...
الدمع بعيونك حرام
والبجي ...
أيعذب الميت ...
ويحرم أعيوني المنام
وهاي بنوات المحله ...
يا وليدي
كلهن أبشرع الله ... خواتك
ومن هذاك اليوم لسه
كل بنات الطرف خياتي ...
وأحبهن
أمي كالتلي أبكلشي
وأبد ما فد يوم كالت
تالي عمرك يا وليدي
أتصير إلك خيّه حنينه
من إسمها ...
ينترس عمرك وفاء
وتسكن أبديرة غُرب
وأكرهت من الزغر ...
جلمة غريب
--------------------
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
سطوح أهلنه / حامد كعيد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الادب العربي :: منتدى الشعر الشعبي-
انتقل الى: