اهلا وسهلا بالزائر الكريم / الزائرة الكريمة
ندعوكم للإنضمام معنا الى اسرة منتديات آهالي المجر الكبير الثقافية
ساهم معنا في هذا المشروع الثقافي الاجتماعي التراثي الفريد من نوعه



 
الرئيسيةالبوابةاليوميةبحـثالأعضاءالمجموعاتالتسجيلدخول

شاطر | 
 

 غراب البين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي كاظم درجال الربيعي

avatar

عدد المساهمات : 1092
تاريخ التسجيل : 07/10/2011
العمر : 68

مُساهمةموضوع: غراب البين   الإثنين مارس 12, 2012 1:01 am

قصيده بعنوان (غراب البين)
------------------------------
شوكت يفرح الليل وينسه الاحزان
ويضحك عل شمس تذرف بلدموع
نست كل البلابل ذيج الالحان
وغراب البين ينعق صوته مسموع
وصار الشعر عدنه بسبر الاعلان
واتعيش القوافي بفكر مكَموع
وبقه عدنه الشعربس نشكي اشجان
ومنهو الّي نكسره ومنهو مرفوع
حجي اهوايه ولاترهم إله اوزان
مثل ذاك اليصيح بجود مركََوع
يبجي اعله الوطن وايشكَ الاردان
بحضن عمّه يعيش واجره مدفوع
نعرفهه النواعي اشكال والوان
الشعر وجدان شاعر كَلبه موجوع
شريد احجيلك اعذرني يعريان
ابن كلثوم يقبل هيج موضوع
تيّهت الوصف ماعندي عنوان
وانه همّي ثجيل وراجع ارجوع
اعاين للمضيف اذكر الديوان
واسوالف اهلنه وصوت مسموع
حسافه ايمر وكت وايفوح الدنان
ويطْفي الفوح زهرة ذيج الشموع
وعرين الاسد تسرح بيهه جرذان
وايعيش الاسد بجحور جربوع
كَصه بينه الحزن سوّدهه الجْفان
وصارت قاحله كل ذيج الربوع
وصارت قاحله كل ذيج الربوع
---------------------------------
الشيخ فريق مزعل ثامر مطلك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نورس الجنوب



عدد المساهمات : 31
تاريخ التسجيل : 03/08/2014

مُساهمةموضوع: رد: غراب البين   الثلاثاء أغسطس 05, 2014 3:44 am

عاشت الايادي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
غراب البين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الادب العربي :: منتدى الشعر الشعبي-
انتقل الى: