اهلا وسهلا بالزائر الكريم / الزائرة الكريمة
ندعوكم للإنضمام معنا الى اسرة منتديات آهالي المجر الكبير الثقافية
ساهم معنا في هذا المشروع الثقافي الاجتماعي التراثي الفريد من نوعه



 
الرئيسيةالبوابةاليوميةبحـثالأعضاءالمجموعاتالتسجيلدخول

شاطر | 
 

 كولي اجيت / ايمان رسول الكوفي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي كاظم درجال الربيعي

avatar

عدد المساهمات : 1092
تاريخ التسجيل : 07/10/2011
العمر : 68

مُساهمةموضوع: كولي اجيت / ايمان رسول الكوفي    الأحد مارس 11, 2012 10:10 pm

كولي جيت
--------------
إيمان رسول الكوفي
--------------
گولي اجيت ابحلم عمرك يالتنيت
وگولي اجيت ابكلي الك يالعاتبيت
بشوگي بحساس بحنيني
ابحيرتي يالمادريت
گولي اجيت
وانه اصيرلج مطارات وموانئ
وافرش اظلوع
الحنته اطوار هجرج
دوسي سباح الگلب
للغالي بيت
وگولي اجيت
قنعيني ؟ صبريني؟ سكتيني؟
وياج لو لحظه
رمش خيط الجفن
تسبيني عيني
اتصيح وينه
غاب عني استوحشيت
گولي اجيت
راح تلكيني
عله ذمة شوك
ماترحم لهفته
روحي اذوبه ويه روحج
وما
ومايهمني الليل
لو خفف خطوته
الجانت اتمر
اعله صدري بكل ثگلهه
وراح فززلي النهار
وما
يهمني الگال شفته
ابحضن طيفه
وحشم الناس التغار
اغتابني
جيف ويه روحي تواعديت
وگولي اجيت
وياج اريد اعبر
عله اسنين العمر
وياج اريدن بالجمر اطفي الجمر
وانتفض واسگي الصبر
كاس الصبر
وخل يجرعه
الجان دكتاتور
والوادم تسمعه
ومن صبر كالو ظفر
احساسي عنوان الرتابه
بكل حياتي
مصاحب ابرود الملل
وضاع عمري
ولاظفرت ولا جنيت
وگولي اجيت
اي ولج
بس گولي اجيت
الخاطر الله من الغرام اتفرهديت
والدليل الفكر
طشرته ابسفارات الخيال
يبحث ابطيات
دفتر كل مسافر
وماحظه برقة احساسج
والدلال
ويا ما عنج دوريت
وداع ياجرح المحطه
الهمشت طول انتظاري
ورجعت انه وغربتي
وبنحولي تعبت
حايط غرفتي
يشيلني وارجع اطيح
ومارحت صوب المخده
خاف لنه تبوس
خد انهار دمعي
وخاف لنه اتلاعب
ابخصلات شعري
الي گطعتله مهر
عد شيخ طلاب العشك
حلله بس لانفاس
همسج من ترتليه
عله وجهي
وانه غركان ابحر حزني
وحييت
گولي اجيت
وياج اريد اتحده
مرسال القدر
وامسح ابلحظج
اثر جف القهر
واطرد انعاس الخساره
الذبل عيوني ابصفنته
وهوه ناوي عله السهر
وراح اكيدك يا سهر؟
هسه اجيبك
شاهد وناطور
بس لابس
قيافات العذوبه
ابحلة الهيمان
بشفاف الغزل
بليل وردي
بترف خمري
تداعب الگمره الگمر
--------------------------
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كولي اجيت / ايمان رسول الكوفي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم المضيف والتراث الشعبي :: منتدى الحرف الشعبية وروادها-
انتقل الى: