اهلا وسهلا بالزائر الكريم / الزائرة الكريمة
ندعوكم للإنضمام معنا الى اسرة منتديات آهالي المجر الكبير الثقافية
ساهم معنا في هذا المشروع الثقافي الاجتماعي التراثي الفريد من نوعه



 
الرئيسيةالبوابةاليوميةبحـثالأعضاءالمجموعاتالتسجيلدخول

شاطر | 
 

 مسافرين / وفاء عبد الرزاق

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي كاظم درجال الربيعي

avatar

عدد المساهمات : 1092
تاريخ التسجيل : 07/10/2011
العمر : 68

مُساهمةموضوع: مسافرين / وفاء عبد الرزاق   الأحد مارس 11, 2012 10:05 pm

مسافرين
-----------
وفاء عبد الرزاق
-----------
وين يل ماشين
مسافرين؟
وْداعة ألله
لا تـْﮔولوله أغراب
لاتـﮔـولوله عُمُرْ مخطوط فوﮒ الباب
لو دفَعته...
صوُفر فراﮒ وتطشّر
وبالتفرهد عاب ذاب
والرسايل بالصدى والريح تعثر
الصدى بومة
والريح صوت غراب
مسافرين
لو لـﮔيتوا فـرّة عـْصافير
والحصرم منـﮔـّر
وجوﮔـة الرمـّان حسّاد
روحوا لغاد
حِلـّوا قندون الشكر
لجناحات سكرانات
وفلـّوا باﮔـة البربين والرشّاد
جيبوا الطبـﮒ وسط الحَوَش عصريّة
ونادوا بطوطنه
وكلشي حليب أمـّه عْلى حلـﮔـه
تلـﮔوا عين أمـّي عَزيمة
والعباية الزاد
تنسّف العنبر بيديها
ونقش ﭼفــَّينها مراد
ويتلاﮔن حمامات السطح
رﮔبة مناﮔرة الرﮔبة
ورﮔبة تدِوُر عناد
مسافرين وْداعة الله
هاية صّرة محيَبس صغيرة
وشبـّاحة شذرها
تحنـّط من سنين فوﮒ سوار
شيّب الموْعد ربط روحه بـﭼبيره
والصغير احتار
بين دربونة العفتها
معلـّﮔـة هدومي بخصرها
وبين جذعَين التصبـِّر
وبين سدرة صْغيرة فَرْعَت
من جذر أمها وصدرها
ﭼنت آنه أعتني ليها
وبت على أم حِجلين
ودعوة أمـّي نروح للنبـﮔات خطـّار
أدري بالملاّسي
من يتواعد بوعدين
يــووووووووه
من اسبعطش لسّه والوْعود كثار
مسافرين وداعة ْ ألله
عـِبروا عَ الطبـﮔـة وصبرها
الياما غازلني ﮔمرها
من أبو الحسنين طلبتني
وللحَسن فَرْعَت صدرها
يحرس العشّاﮒ كلهم
والتَوْهم تلاﮔوا
او وصّت التنـّومة بـِيّه
جيبي حيل الماي شِدِّيه بخصرها
جيبي شط ّ العَرب خضبيه بعطرها
حتّى ما تخجل ابـّوسة
وتفلت ﮔلادة نحرها
وريحة الشط علـّمتني
شلون اخلـّيها نبع حرفين بالأشعار
وجَتني وشايله الخرّيَط صوغة
وبمبرات صغار
وهرش تكـّي بعده باللَّسعات حار
مسافرين ..
----------
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مسافرين / وفاء عبد الرزاق
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم المضيف والتراث الشعبي :: منتدى الحرف الشعبية وروادها-
انتقل الى: