اهلا وسهلا بالزائر الكريم / الزائرة الكريمة
ندعوكم للإنضمام معنا الى اسرة منتديات آهالي المجر الكبير الثقافية
ساهم معنا في هذا المشروع الثقافي الاجتماعي التراثي الفريد من نوعه



 
الرئيسيةالبوابةاليوميةبحـثالأعضاءالمجموعاتالتسجيلدخول

شاطر | 
 

 ابن العراق / الشاعر جمال الازبجي العبودي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي كاظم درجال الربيعي

avatar

عدد المساهمات : 1092
تاريخ التسجيل : 07/10/2011
العمر : 68

مُساهمةموضوع: ابن العراق / الشاعر جمال الازبجي العبودي   الأربعاء مارس 07, 2012 12:39 am

إبـــن العراق -- قصيده للشاعر جمال الازبجي
________________________________________
ماتحتار أبَد واتيهه عنواني
عله وجه الشمس خلّيتة نيشاني
********************
من مرّت عواصف طاحت الحيطان
وانه اعله الجَتِف ما طاح بنياني
********************
من بابل طريقك والحضر وآشور
من اور ولَكَش مدخلهه بيباني
*******************
آنه ويه الوطن عشرة عمر مو يوم
وعن هذا الوطن شيسولِف إلساني
*******************
عالحلوه عِشِت والمرّه آنه وياه
وانطيته اليِريده وحِصْتي أحزاني
******************
جذرين صفر بحسابك إنته وياي
وأضرب بَايْ رقم يطلع صفر ثاني
*****************
إتنام وما تفز باذنك غُفَه الشيطان
وآنـه من الصبح يِندَهنـي قُرآني
******************
ظل كاعِد عَوَج بس احجي بالمثقال
مـو تدري الشمس والليل شتّاني
******************
بياقُربان باجِر تِعْتِلي التاريخ ...
وانتـه السّانَدِت بالجـور عِدْواني
*****************
ظل ابحَسْرِتك حُرْمَتْ عليك الكاع
وآنـه بكل فصل دوّنِت قُربـاني
******************
آنه ابن العراق وأمّي هاي الكاع
ما يحتاج أَوضِّح وأطِّي برهاني
*****************
زَفّيت الجِنايِز عشره عشرة اطباك
ومن شحّ الجِفَن فَصّلِت قُمصاني
*****************
مَلْ منّي السِّدِر والدّمِع والتابوت
وْزَهّكْت النَجَف من دَفِـن شُبّاني
******************
من كال الضمير يموت وكت الجوع
أمِس نايـم جِنِت والجوع صحّاني
******************
ضِمِن واقِع صَعُب عِشْت الزّمن تقليد
بس صوتي اسْتُمَر مـابطّلْ آذاني
******************
الصَبُر عندي سفينه ويِنتِظُر طوفان
لأن أيّـوب خُلْكي ونـوح سفّاني
******************

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابن العراق / الشاعر جمال الازبجي العبودي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الادب العربي :: منتدى الشعر الشعبي-
انتقل الى: