اهلا وسهلا بالزائر الكريم / الزائرة الكريمة
ندعوكم للإنضمام معنا الى اسرة منتديات آهالي المجر الكبير الثقافية
ساهم معنا في هذا المشروع الثقافي الاجتماعي التراثي الفريد من نوعه



 
الرئيسيةالبوابةاليوميةبحـثالأعضاءالمجموعاتالتسجيلدخول

شاطر | 
 

 رفعات العلم / الشاعر جمال الأزبجي العبودي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي كاظم درجال الربيعي

avatar

عدد المساهمات : 1092
تاريخ التسجيل : 07/10/2011
العمر : 67

مُساهمةموضوع: رفعات العلم / الشاعر جمال الأزبجي العبودي   الثلاثاء مارس 06, 2012 12:13 am

رفعات العلم / الشاعر جمال الأزبجي العبودي
-------------------------------------
كالوا باجر وكلنه احنه عدلين
باجر موبعيد أنتاني يومه
كالوا باجر أترد العصافير
وعلى أبيوت البلد ماتبقى بومه
وتانينه أشكثر شوطول الخير
وأحنه اعله السوالف كلنه نومه
لاشفناه أجه ولامر على الباب
لاشفنه ترافه ولانعومه
شوكت يصير خير ويكبر الخير
اذا تحجي الحكومه اعله الحكومه
وأحنه الكلنه باجر ينجلي الليل
ويبات الصبح ببيوتنه أسبوع
وانبشر اليتامه بجية العيد
وبحلك الضحك نذبحها الدموع
وأنكلهم كضت ذيج المعاناة
وأنبشر الجواعه بكتلت الجوع
وأنبشر المدارس والتلاميذ
دربهم بس قنابل هسه مزروع
ورفعات العلم جانت تفاهات
لان بس مره وحده بكل الاسبوع
وهسه الحمد لله أتغير الحال
ظل أعله الجثث يوميه مرفوع
الجاي ألنه يروح وصعبه ينجاب
دكلي الراح من عدنه أشيجيبه
أختلطت بعد صفحات الاوراق
واتساوت العاهر والنجيبه
شنسد ياحلك ننصحمن أتريد؟؟
من حلك الماذن شفنه غيبه
أ واحد عاش عمره وعمر الوياه
واحد عمره ماعايش نصيبه
يبجي من الضحك هذا الغفه بريش
وذاك من الجرح يضحك نحيبه
ومن يتوازه هذا بلحظة الخوف
من دم الشعب يدفع ضريبه
وطلاب المدارس كلها عقال
لان المكبره بصفهم قريبه
وحمره الروس صارت ماكو شياب
الدم من عصف ماخله شيبه
ولابين شعر من الشريفات
موفد مشكله ولافد عجيبه!!
طلعت روس قهرن من الاجساد
ومن الروس ماطلعت كصيبه
وجان الموت هيبه أيخوف الموت
وعزرائيل من يوصل مصيبه
ومن كد مايروح ويرجع الموت
ماظلت بعد للموت هيبه
ولافرحة عرس يفرحها عريس
ضحكات الفرح كلش كئيبه
وخشبات العرس من خشبة الموت
ونفس الخشبه تتعلك صليبه
جف يصفك العرسه ويحنيه
وجف من العرس للدم يجيبه
-----------------------



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رفعات العلم / الشاعر جمال الأزبجي العبودي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الادب العربي :: منتدى الشعر الشعبي-
انتقل الى: