اهلا وسهلا بالزائر الكريم / الزائرة الكريمة
ندعوكم للإنضمام معنا الى اسرة منتديات آهالي المجر الكبير الثقافية
ساهم معنا في هذا المشروع الثقافي الاجتماعي التراثي الفريد من نوعه



 
الرئيسيةالبوابةاليوميةبحـثالأعضاءالمجموعاتالتسجيلدخول

شاطر | 
 

 يمعود تعال / الشاعر جمال الأزبجي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي كاظم درجال الربيعي

avatar

عدد المساهمات : 1092
تاريخ التسجيل : 07/10/2011
العمر : 68

مُساهمةموضوع: يمعود تعال / الشاعر جمال الأزبجي   الثلاثاء مارس 06, 2012 12:07 am

يمعود تعال ... للشاعر الشعبي جمال الازبجي
----------------------------------
يمـــــعود تـــــّعال وجيـــبنة ويـــــاك
ما يسوى العـــمر صــــدك بلــــــياك
صـــــــار هـــواي يمنة أندور أعليك
ضيّعنة العمر بس كـــــون نلـــكـــاك
صّيرنة البعد جوه الشمس عود
ويمر مثل الهوى ويكســـرنة طرواك
وي الراح كلنة تروح وتهـــون
نسينــــة الــــــراح كـــلة وما نسيناك
بعـــــدك تنتـــظر أيــــامنة تعــــود؟!
وبعـــدك تنتظر عــــالصـــار تـفسير
بعـــــــدك مثل الأول تشبه الماي؟!
وتبوس بجـــرفك حلــــوك النـواعير
بعدهي بجفك تنـــــــــام الحمـامات؟!
وفوك جتــــافك تنـــــام العــصـافــير
بعدك تنتظر لــــــو هبت الريح
تجــــيب ويــــاهه مـن بيبانه تراب ؟
ارجع خل اكضن جــف السنين
ويرجـــــعــــن مثل مـــــاجنه أحباب
تعال ومن تطب لا تقفل البــاب
مفـــــــــتوح شوكــــت متريد العتاب
بعدني بلهفة احبـــــك حــــب مجانين
والكّــــلـــك نسيــــتك كـــلة جــــذاب
ما موجــــود يمي وانته موجــــود !!
ونــــــاس شكّــــثر يـمي وهي غياب
إذا مكتوب نزعل نرجـــع أردود
خــــل نعـــقد صلـــح وانشـك الكتاب
بطلت الزعــــــل ماازعــــل عليـــك
مـــن يمــــشي العمر موسهلة ينجاب
ولا زغلط عليـــــك من أرد أراضيك
أرجعـــهن الـــك بـــوساتك حســـاب
وإذا أغلــــط أعيـــد أحســابي مرتين
حتى آنه وضميري وفكري نرتــــاح
واخلـــــص ذمـــتي ودينــــــك أوفية
وارجـــــع سلّــتك مــــليــانة تـــــفاح
فـــــارغ مــــا أردك كلـــشي انطيـك
واطيــني الخســــارة واخـــذ الأرباح
وأرجع مــن جديد وأحــرث الشوگ
وأگضي العمــــر كلـه بخلگ فلاّح
------------------------------


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يمعود تعال / الشاعر جمال الأزبجي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الادب العربي :: منتدى الشعر الشعبي-
انتقل الى: