اهلا وسهلا بالزائر الكريم / الزائرة الكريمة
ندعوكم للإنضمام معنا الى اسرة منتديات آهالي المجر الكبير الثقافية
ساهم معنا في هذا المشروع الثقافي الاجتماعي التراثي الفريد من نوعه



 
الرئيسيةالبوابةاليوميةبحـثالأعضاءالمجموعاتالتسجيلدخول

شاطر | 
 

 زرازير البراري

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي كاظم درجال الربيعي

avatar

عدد المساهمات : 1092
تاريخ التسجيل : 07/10/2011
العمر : 68

مُساهمةموضوع: زرازير البراري   السبت فبراير 25, 2012 12:02 am

[center]مظفر النواب
--------------------
أحد عباقرة الشعر الشعبي العراقي...
كتب الشعر الفصيح ...وشعر الأغنية....
وإليكم إحدى روائعه....
--------------------
زرا زير البراري
-------------------
حن ....
وانه حن
و أنحبس ونه....
ونمتحن
مرخص بس كبة الدمع
شرط الدمع
حدة الجفن
**********
جفنك جنح فراشة غض
وحجارة جفني وما غمض
يلتمشي بيه
وبه نبض
روحي على روحك تنسحن
حن بويه حن
***********
عيونك
زرازير البراري
بكل نشاط جناحها
بعالي السحر
والروح مني
عوسجة بسر
ما وصل ليه النده
ولا جاسها بكطرة مطر
وصفولي عنك بالنباعي تفيض
وتعنيت ليله ... وبه الكمر
وصفولي عنك كل مسامة تفيض
منك عطر .. يلحسنك نهر
تنزل بصدري وبه النفس وبدمي
غصبن تنعجن
وأشهك وأصعدك للسمة
بحسرات وبعنة حزن
حن ... بويه حن
**********
شفافك ولا كولن ورد .....
عنابه معكودة عكد
تمتلي بكد ما تنمرد
لا هو دفو لا هو برد
***************
سكتاتك تشكل خواطر بالكلب ...
مالي عرف بيهن كبل
مبروم بره الريزة
يا ريان ومخوصر خصر
لف العكل
كل جملة منك ...
نبعة ريحان .. بالدلال ...
ما تحمل ثكل
وصفولي عنك
وردة القداح ريش جناح
زاهي بالسحر
وصفولي عنك
شال منك غيظ بستان الورد
والنرجس الرايج سكر
حني بفوازير ولحن ...
حنة حمامات السجن
حنة إلي ...
حنة إلك ...
واللي يعجبه خلي يحن
حن بويه حن
*************
آنه من أشوفك
يمتلي الامضي الجدب
زهرات بيض من الوفه
وروحي سواجي من الحنين تصير
وأنتبه وكت بيه غفه
يا محجل إن بيه ردود
أرد أردود للعشرين ....
من عمر الجفه
وأنصف عمر منك
نصفته بالهجر ...
والهجر منك ما كفه
حتى الهجر يا روحي
منك ما كفه
وكلبي عله هجرك كام أيحن
حن ... بويه حن ... حن ....
وآنه حن
وأنحبس ونه ...
ونمتحن
مجبور أرخصك على الدمع
شرط الدمع يجوي الجف
---------------------
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
زرازير البراري
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الادب العربي :: منتدى الشعر الشعبي-
انتقل الى: