اهلا وسهلا بالزائر الكريم / الزائرة الكريمة
ندعوكم للإنضمام معنا الى اسرة منتديات آهالي المجر الكبير الثقافية
ساهم معنا في هذا المشروع الثقافي الاجتماعي التراثي الفريد من نوعه



 
الرئيسيةالبوابةاليوميةبحـثالأعضاءالمجموعاتالتسجيلدخول

شاطر | 
 

 من شعر الأبوذية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي كاظم درجال الربيعي

avatar

عدد المساهمات : 1092
تاريخ التسجيل : 07/10/2011
العمر : 68

مُساهمةموضوع: من شعر الأبوذية   الجمعة فبراير 24, 2012 6:36 pm

ابوذيات الشاعر المرحوم الدكتور عدنان الركابي
------------------------------------
اسف شوك الكلب من دب دبالك
دبلته وهجرك الجمل دبالك
تمدلي بيا وجه جفك دبالك
امس جفك كلبني الغاضريه
**
بجيت اعليك فص عيني وهدباي
وانا زحوف اعتني لشخصك وهدباي
الدرع والسيف خليني وهد باي
تطك تنطك كلهه اتصير بيه
**
روحي ضيعت صولي وزاري
اشد بوزارهه وينحل وزاري
امتحاني دون كل ربعي وزاري
وضيم ايوب اجه مشرف عليه
**
اجروحي لاتضنهن خيطن بيك
الزمن خيطي وتعنن خيطن بيك
اذا ضيم الليالي خيي طن بيك
سبع اطنون انه ضيمي العليه
**
انه العطشان والصاحب ميامي
واومي ابشدتي الشخصه ميامي
الدهر للضيم ورثني ميامي
واخذ نفسين واحرك والديه
**
الدرب خطوه وانه بدونك براميل
والحزن ساعاته ميل ايجر براميل
الك دمعي ترس يسمر براميل
وشوكي اصبح ابكبر الناصريه
**
يصاحب جرحي الموجر بيا بيك
وكبي اشلون اصبرنه بيابيك
ابغيابي انجانهن نشفن بيابيك
اخذ عيناي تبجيلك عليه
**
حبيبي اشتكطر اشفافك عسل جن
واذا انساك يركبني عسى الجن
انه انسودن وبيك ادعي عسى الجن
السطر راسي وهذن رعشات اديه
**
يجامع ليش تغدر بالدعت بيك
وماي الهجر شلته بدعت بيك
انت اجمل قصيده بدعت بيك
وتسل تالي قوافيك عليه
**
حكرني الدهر واصبح سوله كتلي
اشكثر منه براغي سولكتلي
قهر مااريد قوري سوله كتلي
وخدره بنار دلالي السريه
**
ثري وعندي القوافي بالكواني
وحجيهم ماضعفني بل كواني
بلسن غيري القصايد بلكه واني
ابلساني اتصير جنهه الغاضريه
**
انه عسر القوافي جانح الهه
ولا يوم المذله جانح الهه
اني بضيمي خليه جا نحلهه
قام وسربن كل كتر بيه
**
من الزلات روحي عاصي املهه
وحبيسه اباب صدري عاصي املهه
المصايب دوله وانه عاصمه الهه
وسفير الضيم والهم قنصليه
--------------------------------
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
من شعر الأبوذية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الادب العربي :: منتدى الشعر الشعبي-
انتقل الى: