اهلا وسهلا بالزائر الكريم / الزائرة الكريمة
ندعوكم للإنضمام معنا الى اسرة منتديات آهالي المجر الكبير الثقافية
ساهم معنا في هذا المشروع الثقافي الاجتماعي التراثي الفريد من نوعه



 
الرئيسيةالبوابةاليوميةبحـثالأعضاءالمجموعاتالتسجيلدخول

شاطر | 
 

 صدك راح ادك باب الثمانين ( حوار الأنا )/ لميعة عباس عمارة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
علي كاظم درجال الربيعي

avatar

عدد المساهمات : 1092
تاريخ التسجيل : 07/10/2011
العمر : 68

مُساهمةموضوع: صدك راح ادك باب الثمانين ( حوار الأنا )/ لميعة عباس عمارة   الأربعاء ديسمبر 07, 2011 3:27 am

الشاعرة الرائدة لميعه عباس عماره تعاني من اكتئاب وميل للعزلة بسبب قرب بلوغها الثمانين ..واليها هذه الكلمات .
• حوار الأنا
---------------
صدك راح ادك باب الثمانين
واعجّز مثل باقي النساوين ؟!
وصدك ذاك الخديد السبه السياب
وتمنه زيارته ساده وعناوين
وصدك ذيج الشفاف العاجنه
الجوري على هيل وياسمين
وذيج العيون الطايره مثل الحمامات
وتوزّع رسايل عالمحبين
صدك كلها تتعقج! وصيرن ناطره الموت ؟!
وافز مرعوبه من اشوفن بالحلم تابوت!
لون عرّافي أنبأني بأن تالي العمر افضع من الموت
لصحت بصوت : ردوني على حضن أمي
لو ابوس أيد الله ..ياخذني يمه وآنه بالخمسين
• صوت الآخر
لميعه انت النخل وانت البساتين
وانت الرطب باول نزوله
وانت بالنسب ..بنت الحموله
لأن أهلك عراقيين
وخلانك اهل الهوى
الصاحين منهم والمجانين!
و ذوك النشامى الشابجت أيدك اديهم وانت باولهم تهتفين :
عوفوا وطنه يالأجانب ..هذا الوطن لهله الطيبين
لميعه انت القصيده العالجرح تنزل ..وتركّص الدمعه بالعين
يم حجي الحلو يمونسه الدواوين
تبقين ذيك انت اشما تكبرين
لأن من يوم ربج صورج
نكعج بماي الورد *
والخصّه الله بها الصفه
وطعّمه حب ومعرفه
يظل حلو ..اشما مرت اسنين
وتبقين طير الحب ببيوت العراقيين!
• من قولها :
ارد اسالك وبحسن نيه
ومحلفك بالله ترد
ربك بيوم الصورك
كم يوم كلي نكعك بماي الورد
---------------------------
[center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
صدك راح ادك باب الثمانين ( حوار الأنا )/ لميعة عباس عمارة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الادب العربي :: منتدى الشعر الشعبي-
انتقل الى: